Fargʻonada “Nexia-1” uch nafar maktab oʻquvchisini urib ketdi
Foto: Fargʻona YHXB
Fargʻona viloyati Margʻilon shahrida “Nexia-1” uch nafar maktab oʻquvchisini urib yubordi. Bu haqda viloyat Yoʻl harakati xavfsizligi boshqarmasi xabar berdi.
Maʼlum qilinishicha, voqea bugun, 16-oktyabr kuni soat 12:30 larda Margʻilon shahar “B.Margʻiloniy” koʻchasida joylashgan 33-sonli umumtaʼlim maktabi qarshisida yuz bergan. Uch nafar oʻquvchi ushbu koʻchadagi tartibga solinmagan piyodalar oʻtish joyidan yoʻlni kesib oʻtayotgan vaqtida 27 yoshli haydovchi “Nexia-1” rusumli transport vositasida ularni urib ketgan.
Dastlabki maʼlumotlarga koʻra, yoʻl-transport hodisasi oqibatida 1 nafar oʻquvchi davolanish uchun shifoxonaga yuborilgan, 2 nafariga esa birinchi tibbiy yordam koʻrsatilgan.
Bildirilishicha, hozirda ushbu holat yuzasidan Margʻilon shahar IIB tergov boʻlimi tomonidan tergovga qadar tekshiruv harakatlari olib borilmoqda.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Hududlarda 34 ta yuqori texnologiyali sanoat loyihalari amalga oshiriladi
- Endilikda muddati oʻtgan tovarlarning sotilishi avtomatik ravishda cheklanadi
- Xorijiy tillarni oʻrganmoqchi boʻlgan yoshlarga “2+6” dasturiga muvofiq subsidiya ajratiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring