Фото: Reuters

АҚШ президенти Жо Байден Оқ уйда журналистлар билан суҳбатда мамлакат Конгрессининг Украинага катта молиявий ёрдам беришдан бош тортиши эҳтимолидан хавотирда эканлигини тан олди.

“Бу мени жуда хавотирга солмоқда”, деб жавоб берди Байден шу мазмунда берилган саволга.

Президентнинг қўшимча қилишича, Вакиллар палатаси ва Конгресс Сенати аъзоларининг кўпчилиги АҚШнинг ҳар икки йирик партиясидан ҳам Украинани молиялаштиришни қўллаб-қувватлашини айтган.

Шунингдек, у яқин вақт ичида Конгресс ва Вашингтоннинг хорижий иттифоқчиларини Украинага молиявий ёрдам кўрсатишни давом эттиришга чақириб, нутқ сўзлаш ниятида эканини маълум қилди.

АҚШ Конгресси республикачи Кевин МакКартини Вакиллар палатаси спикери лавозимидан четлатди. Бунинг ташаббускори унинг партиядоши, конгрессмен Мэтт Гетц  бўлди. Манбада айтилишича, Маккарти ва Байден ўртасида яширин “Украина бўйича келишув” ҳақидаги хабарлардан кейин шундай қарорга келинган.

Гап шундаки, АҚШ президенти Маккартидан Украина учун алоҳида кўп миллиард долларлик транш ўтказиш ташаббусини қўйишни талаб қилган. Собиқ спикер бундай келишув мавжудлигини рад этмоқда. Унинг конгрессмен ҳамкасблари эса МакКартини ёлғончиликда айблашмоқда.