Фото: Reuters

Жанубий Корея, агар Пхеньян ва Москва ҳарбий алоқаларни йўлга қўйишда давом этса, Украинага қурол етказиб бериш бўйича музокараларни қайта бошлаши мумкинлиги ҳақида огоҳлантирмоқда.

Жанубий Корея Пхеньян Москванинг Украинага қарши урушини қўллаб-қувватлаш учун қўшин юборганини рад этганига қарамай, Россия ва Шимолий Корея ўртасидаги ҳарбий ҳамкорликка қарши чоралар кўришни маълум қилди.

Сеул расмийлари сешанба куни Россия ва Шимолий Корея ўртасидаги иттифоқ халқаро таҳдид эканлигини айтди ва Жанубий Корея ўз иттифоқчилари билан Украинани қурол-яроғ билан таъминлаш каби қарши чораларни амалга оширишда ишлашга ваъда берди.

Жанубий Корея душанба куни Россия элчисини чақириб, шимолни Украинадаги Москва кучлари билан бирга жанг қилиш учун 1500 аскар юборганликда айблади. Шимолий Корея Сеулнинг даъвосини “асоссиз миш-мишлар”, деб рад этди.

“Россиянинг Украинадаги ноқонуний босқинчилик урушига қўшин жўнатиш нафақат мамлакатимиз, балки халқаро ҳамжамият учун ҳам хавфсизликка жиддий таҳдиддир. Шимолий Корея жанговар қўшинлари киритилгандан сўнг, ҳукумат босқичма-босқич қарши чораларни амалга оширади”, — деди Жанубий Корея Миллий хавфсизлик кенгаши.

Президент Юн Сук Ёл идорасининг юқори лавозимли расмийси дипломатик, иқтисодий ва ҳарбий чоралар тайёрланаётганини айтиб, Жанубий Корея Киевга қурол юбормаслик ҳақидаги аввалги қарорини қайта кўриб чиқиши мумкинлигини маълум қилган.

Сеул баъзи Ғарб давлатлари ва Киев томонидан қуроллар билан таъминлаш учун босим остида бўлган. Бироқ улар ноҳарбий ёрдам масалалари, жумладан миналардан тозалаш ускуналарига эътибор қаратган.

“Биз мудофаа мақсадларида қурол етказиб беришни босқичма-босқич сценарийларнинг бир қисми сифатида кўриб чиқамиз ва агар улар бу ишини давом эттирса, ҳужумкор қуролланишни ҳам кўриб чиқишимиз мумкин”, — деган расмий журналистларга.

Шимолий Корея сўнгги ойларда Россия кучларини қурол-яроғ билан таъминлагани ҳақида Жанубий Корея ва АҚШнинг айбловларини рад этди.

“Россия билан ҳарбий ҳамкорлик деб аталадиган нарсага келсак, менинг делегациям бу каби асоссиз, қолипга айланган миш-мишларга изоҳ беришга ҳожат сезмаяпти”, — деди Шимолий Корея вакили БМТ Бош Ассамблеяси доирасидаги қўмита йиғилишида.

Россия Пхеньяннинг қўшин киритганини тасдиқламади, бироқ Шимол билан ҳарбий ҳамкорлигини ҳимоя қилиб, Жанубий Корея хавфсизлиги манфаатларига қарши эмаслигини айтган.