Ёш дзюдочиларимиз қитъа чемпионатини биринчи ўринда якунлашди
Фото: Миллий олимпия қўмитаси
Ливан пойтахти Байрут шаҳри мезбонлигида ўтган дзюдо бўйича ўсмирлар ва ёшлар ўртасидаги Осиё-Океания чемпионати ҳамюртларимиз учун кутилганидан ҳам омадли келди.
Ўсмирларимиз 9 та олтин, 5 та кумуш, 5 та бронза медали билан умумжамоа ҳисобида биринчи ўринни эгаллашганди. Ёшларимиз ҳам икки кунлик муросасиз беллашувлар якунига кўра қитъада биринчи бўлишди.
Ёшлар терма жамоамиз 7 та олтин, 2 та кумуш, 6 та бронза, жами 15 та медаль билан 15 давлат орасида умумжамоа ҳисобида фахрли биринчи ўринни банд этишди.
Тўрт кун давомида Байрутда 16 маротаба Ўзбекистон мадҳияси янгради. Мамлакатимиз дзюдоси тарихида ҳали бундай натижа кузатилмаганди.
Қозоғистон терма жамоаси 3 та олтин, 1 та кумуш, 5 та бронза медали билан иккинчи ўринни қўлга киритган бўлса, кучли учликка 2 та олтин, 5 та кумуш, 4 та бронза медали билан Жанубий Корея терма жамоаси якун ясади.
Тавсия этамиз
Кўп ўқилганлар
- Наманганда гуллар фестивали (фоторепортаж)
- ЖССТ янги ҳалокатли пандемияга тайёрланишга чақирди
- Шавкат Мирзиёевнинг Чилонзор туманига ташрифидан фоторепортаж
- Тараққиётнинг янги босқичида
- Сиандаги мусулмонлар маҳалласи (Фоторепортаж)
- Гендер тенгликни таъминлаш ва муносиб меҳнат шароитларини яратиш бўйича Ўзбекистон тажрибаси халқаро стандартлар асосида такомиллаштирилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг