Волейбол спорти янада ривожлантирилади. Мамлакат бўйлаб бир қатор анъанавий мусобақалар йўлга қўйилади
Ўзбекистон Республикаси Президенти Шавкат Мирзиёевнинг «Волейбол спорт турларини янада ривожлантириш чора-тадбирлари тўғрисида»ги қарори қабул қилинди.
Маълум қилинишича, қарорга кўра, 2025 йилдан ҳар йили анъанавий тарзда волейбол бўйича бир қатор мусобақалар ўтказиб борилиши кўзда тутилмоқда.
Хусусан, олий таълим муассасалари талабалари, профессионал таълим ва умумий ўрта таълим муассасалари ўқувчилари ўртасида «Volleyball stars» Ўзбекистон кубоги, вазирлик ва идоралар ходимлари ўртасида 3 босқичли (туман (шаҳар) – вилоят – республика) волейбол спорт турлари бўйича «Янги Ўзбекистон» республика мусобақаси ташкил этилади.
Бундан ташқари, умумий ўрта таълим муассасалари юқори синф ўқувчилари ўртасида 3 босқичли Мактабгача ва мактаб таълими вазирлиги кубоги, ногиронлиги бўлган шахслар ўртасида пара волейбол спорт мусобақалари ҳам қарорга мувофиқ ўтказилиши белгиланди.
Қайд этиш керакки, 2025 йилдан ҳар икки йилда бир марта волейбол бўйича Марказий Осиё волейбол ассоциацияси (CAVA)га аъзо давлатлар ўртасида «Буюк Ипак йўли» халқаро турнири ўтказиб борилади.
Шунингдек, Наманган вилояти Учқўрғон тумани олимпия ва миллий спорт турлари бўйича давлат ихтисослаштирилган мактаб-интернати Волейбол спорт турларига ихтисослаштирилган давлат мактаб-интернати сифатида қайта ташкил этилади.
Тавсия этамиз
Кўп ўқилганлар
- Дам олиш кунлари ҳарорат +27 даражагача пасаяди
- «Барселона»га келган Дани Олмо клубни қийин аҳволга солиб қўйди
- Бир ойлик ҳарбий хизмат тўлови миқдори оширилади
- Мбаппе «Реал» учун гол урган ўйинда УЕФА Суперкубогига эга чиқди
- «Андижон» клуби футболчиси Миллий гвардия ходимини уриб, жароҳат етказди
- ЙҲХБ: Тартибга солинмаган ўтиш жойидан ўтаётган пиёдалардан қўлларини баланд кўтаришни сўраймиз
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг