Voleybol sporti yanada rivojlantiriladi. Mamlakat boʻylab bir qator anʼanaviy musobaqalar yoʻlga qoʻyiladi
![](https://xs.uz/upload/post/2024/07/24/28280748b4cf6ec71e85eda9ed4f774b0724.png)
Oʻzbekiston Respublikasi Prezidenti Shavkat Mirziyoyevning “Voleybol sport turlarini yanada rivojlantirish chora-tadbirlari toʻgʻrisida”gi qarori qabul qilindi.
Maʼlum qilinishicha, qarorga koʻra, 2025-yildan har yili anʼanaviy tarzda voleybol boʻyicha bir qator musobaqalar oʻtkazib borilishi koʻzda tutilmoqda.
Xususan, oliy taʼlim muassasalari talabalari, professional taʼlim va umumiy oʻrta taʼlim muassasalari oʻquvchilari oʻrtasida “Volleyball stars” Oʻzbekiston kubogi, vazirlik va idoralar xodimlari oʻrtasida 3 bosqichli (tuman (shahar) – viloyat – respublika) voleybol sport turlari boʻyicha “Yangi Oʻzbekiston” respublika musobaqasi tashkil etiladi.
Bundan tashqari, umumiy oʻrta taʼlim muassasalari yuqori sinf oʻquvchilari oʻrtasida 3 bosqichli Maktabgacha va maktab taʼlimi vazirligi kubogi, nogironligi boʻlgan shaxslar oʻrtasida para voleybol sport musobaqalari ham qarorga muvofiq oʻtkazilishi belgilandi.
Qayd etish kerakki, 2025-yildan har ikki yilda bir marta voleybol boʻyicha Markaziy Osiyo voleybol assotsiatsiyasi (CAVA)ga aʼzo davlatlar oʻrtasida “Buyuk Ipak yoʻli” xalqaro turniri oʻtkazib boriladi.
Shuningdek, Namangan viloyati Uchqoʻrgʻon tumani olimpiya va milliy sport turlari boʻyicha davlat ixtisoslashtirilgan maktab-internati Voleybol sport turlariga ixtisoslashtirilgan davlat maktab-internati sifatida qayta tashkil etiladi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring