Вэнс: АҚШ Фаластинни тан олиш ниятида эмас
Фото: Leah Millis/REUTERS
АҚШ вице-президенти Жей Ди Вэнснинг айтишича, Вашингтоннинг асосий мақсади — ҲАМАСни йўқ қилиш.
Вэнс бу ҳақда Буюк Британия ташқи ишлар вазири Дэвид Лэмми билан учрашувда маълум қилди, деб ёзади ТАСС.
«Бизда Фаластин давлатини тан олиш режаси йўқ. Фаол ҳукумат йўқ шароитда бундай тан олиш нима англатишини ҳам билмайман», — деди у.
Унинг сўзларига кўра, Лондоннинг эҳтимолий қарорини ҳам АҚШ кузатиб боради.
«Бу масалада Британия мустақил равишда қарор қабул қилади. Президентимиз Исроил ва Ғазо бўйича мақсадларимизни аниқ белгилаган: биринчи — ҲАМАС бирор маротаба тинч аҳолига ҳужум қилмаслиги учун уни бутунлай йўқ қилиш; иккинчи — Ғазодаги оғир гуманитар инқирозни ҳал этиш», — дея қўшимча қилди Вэнс.
Эслатиб ўтамиз, июль ойи охирида Буюк Британия бош вазири Кир Стармер девони билдиришича, агар Исроил Ғазога гуманитар ёрдам киритишга тўсқинлик қилишда давом этса ва ҳарбий амалиётни тўхтатмаса, Лондон сентябрдаги БМТ Бош Ассамблеяси сессиясигача Фаластинни расман тан олади.
Тавсия этамиз
Кўп ўқилганлар
- Президент Ўзбекистон божхона соҳаси ходимларига табрик йўллади
- «Нигилист пингвин». Руҳан эзилган ва ҳаётдан маъно излаётганлар учун ноодатий мем оммалашмоқда
- Тошкентда Осиё Олимпия кенгашига янги раҳбар сайланди (+фоторепортаж)
- Ўзбекистон армияси Марказий Осиёда биринчи ўринда — дунё армиялари рейтинги эълон қилинди
- «Янги Ўзбекистон юлдузлари» миллий мукофоти халқаро даражага кўтарилмоқда
- Ўзбекистонда илмий лабораторияларнинг сунъий интеллектга асосланган ягона илмий платформаси ишга туширилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг