Vens: AQSH Falastinni tan olish niyatida emas
Foto: Leah Millis/REUTERS
AQSH vitse-prezidenti Jey Di Vensning aytishicha, Vashingtonning asosiy maqsadi — HAMASni yoʻq qilish.
Vens bu haqda Buyuk Britaniya tashqi ishlar vaziri Devid Lemmi bilan uchrashuvda maʼlum qildi, deb yozadi TASS.
“Bizda Falastin davlatini tan olish rejasi yoʻq. Faol hukumat yoʻq sharoitda bunday tan olish nima anglatishini ham bilmayman”, — dedi u.
Uning soʻzlariga koʻra, Londonning ehtimoliy qarorini ham AQSH kuzatib boradi.
“Bu masalada Britaniya mustaqil ravishda qaror qabul qiladi. Prezidentimiz Isroil va Gʻazo boʻyicha maqsadlarimizni aniq belgilagan: birinchi — HAMAS biror marotaba tinch aholiga hujum qilmasligi uchun uni butunlay yoʻq qilish; ikkinchi — Gʻazodagi ogʻir gumanitar inqirozni hal etish”, — deya qoʻshimcha qildi Vens.
Eslatib oʻtamiz, iyul oyi oxirida Buyuk Britaniya bosh vaziri Kir Starmer devoni bildirishicha, agar Isroil Gʻazoga gumanitar yordam kiritishga toʻsqinlik qilishda davom etsa va harbiy amaliyotni toʻxtatmasa, London sentyabrdagi BMT Bosh Assambleyasi sessiyasigacha Falastinni rasman tan oladi.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring