Фото: Reuters

АҚШ Мудофаа вазирлиги АҚШнинг барча ҳарбий хизматчилари Афғонистонни тарк этгани ҳақидаги маълумотни тасдиқлади. 

«Охирги самолёт учди. Уруш тугади», деб ёзмоқда АҚШлик ҳарбий мухбир Навид Жамали Пентагондаги ўз манбасига таяниб.

Бироз вақт ўтгач, бу маълумотни АҚШ Марказий қўмондонлиги бошлиғи, денгиз пиёдалари генерали Кеннет Ф. Маккензи ичик ҳам тасдиқлади.

Пентагон, шунингдек, АҚШ қуролли кучлари иштирокидаги Афғонистондаги уруш тугаганини, аммо АҚШ қолган АҚШ фуқароларининг мамлакатга кетишини ташкиллаштиришда давом этишини таъкидлади.

Шу тариқа АҚШ энди Кобул аэропортини назорат қилмаслиги маълум қилди. Ўз навбатида, «Толибон» ҳаракати Кобул аэропорти тўлиқ назорат қилишини эълон қилди.

«Толибон» ҳаракати 15 августда Афғонистонда тўлиқ назорат ўрнатганини эълон қилди 31 августга қадар АҚШ ўз қўшинларини олиб чиқиб кетишини талаб қилди. 

Ҳатто «Толибон» ҳаракати раҳбарлари Вашингтонга АҚШ қўшинлари Афғонистондан ўз вақтида олиб чиқилмаган тақдирда ҳарбий жавоб беиш билан таҳдид қилди. Агар АҚШ 31 августга қадар мамлакатдан ҳарбий контингентини олиб чиқмаса, жавоб чоралари қаттиқ бўлиши мумкин.

Олдинроқ, «Толибон» матбуот котиби Сухаил Шаҳин АҚШга ҳам, Буюк Британияга ҳам эвакуация учун қўшимча вақт ажратилмаслигини айтган эди.