Туркия терма жамоаси футболчиси ЙТҲ оқибатида ҳаётдан кўз юмди

15:59 11 Январь 2022 Спорт
1096 0

Фото: Global Look Press

Туркиянинг «Коняспор» ва миллий терма жамоаси ҳимоячиси Аҳмет Чалиқ йўл-транспорт ҳодисаси оқибатида ҳаётдан кўз юмди.

27 ёшли футболчи 11 январь куни Туркия вақти билан эрталаб соат 9 ларда бахтсиз ҳодисага учради. Чалиқ бошқарувни йўқотиб, йўлдан чиқиб кетган. Спортчи олган жароҳатлари туфайли вафот этган. Йўл-транспорт ҳодисаси юз берган вақтда футболчи машинада ёлғиз бўлган. Ҳолат юзасидан ҳуқуқ-тартибот идоралари тергов бошлаган.

Чалиқ 2020 йилнинг кузида «Галатасарой»дан «Коняспор»га ўтганди. У Туркия терма жамоаси либосида саккизта ўйин ўтказиб, рақиблар дарвозасига битта гол урган эди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер