Туркия Суперлигасида ёзги трансферлар ойнаси ёпилишига 10 кун вақт қолди. Турк клублари ёздаги трансферлари учун 500 миллион евро­дан ортиқ маблағ сарфладилар.

Ҳозиргача ушбу мамлакат клублари қайси футболчилар билан шартнома имзолаганликлари билан танишиб чиқамиз.

«Галатасарой»

Виктор Осимхен — «Наполи» клубидан 75 миллион евро эвазига харид қилинди;

Вилфрид Синго — «Монако» жамоасидан 31 миллион еврога олиб келинди;

Исмоил Якобс — «Монако» клубидан 8 миллион еврога сотиб олинди;

Пшемыслав Франковский — «Ланс» жамоасидан 7 миллион еврога харид қилинди;

Лерой Сане — «Бавария» клубидан эркин агент сифатида келиб қўшилди;

Илкай Гюндоган — «Манчестер Сити» жамоасидан эркин агент сифатида келиб қўшилган.

«Фенербахче»

Доргельес Нене — «Зальцбург» клубидан 18 миллион еврога сотиб олинди;

Софьян Амрабат — «Фиорентина» жамоасидан 12 миллион еврога харид қилинди;

Эдерсон — «Манчестер Сити» клубидан 11 миллион еврога сотиб олинди;

Марко Асенсио — ПСЖ жамоасидан 7,5 миллион евро эвазига кўчиб ўтди;

Милан Шкриниар — ПСЖ клубидан 6 миллион еврога трансфер қилинди;

Эдсон Алварес — «Вест Ҳэм» жамоасидан ижарага олинди;

Жон Дуран — «Ал-Наср» клубидан ижарага олинди;

Нелсон Семеду — «Вулверхэмптон» жамоасидан ижарага олинди.

«Бешиктош»

Вилфред Ндиди — «Лестер Сити» жамоасидан 8 миллион еврога трансфер қилинди;

Вацлав Черный — «Волфсбург» клубидан 6 миллион еврога сотиб олинди;

Тайлан Булут — «Шалке» жамоасидан 6 миллион еврога харид қилинди;

Тиаго Джало — «Ювентус» жамоасидан 3,5 миллион еврога сотиб олинди;

Тамми Абрахам — «Рома» жамоасидан ижарага олинди;

Эл Билол Туре — «Аталанта» клубидан ижарага олинди.

«Башакшеҳир»

Аббосбек Файзуллаев — ЦСКА жамоасидан 7,5 миллион евро эвазига трансфер қилинди;

Элдор Шомуродов — «Рома» клубидан ижарага олинди;

Дави Зелке — «Гамбург» жамоасидан эркин агент сифатида келиб қўшилди.

«Трабзонспор»

Казим Олаигбе — «Ренн» клубидан 5 миллион еврога сотиб олинди.

«Антальяспор»

Томаш Цванцара — «Боруссия Мёнхенгладбах» жамоасидан ижарага олинди;

Лаутаро Жаннетти — «Удинезе» жамоасидан эркин агент сифатида келиб қўшилди.