Туман ва шаҳар ҳокими ўринбосарлари сони қисқартирилади
Иллюстратив фото
Туман ва шаҳар ҳокимликлари фаолиятини такомиллаштиришга доир Президент Фармони лойиҳаси ишлаб чиқилди. Бу ҳақда ЎзА хабар берди.
Фармон лойиҳасига кўра, туман ва шаҳар ҳокимлари ўринбосарларининг сонини 4 нафар этиб белгилаш таклиф қилинмоқда. Бугунги кунда туман ҳокимларининг 6 нафардан ўринбосари бор.
Шунингдек, 2026 йил охирига қадар 32 та туман ва шаҳарда бошқарувнинг янги тартиби жорий этилади. Унда 9 та вазирлик ва идоранинг ҳудудий бўлинмалари ҳокимлик тузилмасига ўтказилади. Жумладан:
• Иқтисодиёт ва молия вазирлиги;
• Инвестициялар, саноат ва савдо вазирлиги;
• Қишлоқ хўжалиги вазирлиги;
• Камбағалликни қисқартириш ва бандлик вазирлиги;
• Қурилиш ва уй-жой коммунал хўжалиги вазирлиги;
• Экология ва атроф-муҳитни муҳофаза қилиш вазирлиги;
• Маданият вазирлиги;
• Оила ва хотин-қизлар қўмитаси;
• Ёшлар ишлари агентлиги.
Келтирилишича, ҳокимлар ушбу тузилмаларга тўлиқ раҳбарлик қилиб, штат бирликларини мустақил белгилайди, кадрларни тайинлайди ва озод этади, рағбат ёки интизом чораларини қўллай олади.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Ўзбекистон тасвирий санъат галереясида Самарқанд мактабининг янги нафаси
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Тошкентда дипломатик ваколатхоналар ва халқаро ташкилотлар ўртасида ХІХ халқаро мини-футбол турнири ташкил этилди
- Ҳар бир ҳудудда “Касаба уюшмалари боғлари” ташкил этилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг