Illyustrativ foto

Tuman va shahar hokimliklari faoliyatini takomillashtirishga doir Prezident Farmoni loyihasi ishlab chiqildi. Bu haqda OʻzA xabar berdi.

Farmon loyihasiga koʻra, tuman va shahar hokimlari oʻrinbosarlarining sonini 4 nafar etib belgilash taklif qilinmoqda. Bugungi kunda tuman hokimlarining 6 nafardan oʻrinbosari bor.

Shuningdek, 2026-yil oxiriga qadar 32 ta tuman va shaharda boshqaruvning yangi tartibi joriy etiladi. Unda 9 ta vazirlik va idoraning hududiy boʻlinmalari hokimlik tuzilmasiga oʻtkaziladi. Jumladan:

• Iqtisodiyot va moliya vazirligi;

• Investitsiyalar, sanoat va savdo vazirligi;

• Qishloq xoʻjaligi vazirligi;

• Kambagʻallikni qisqartirish va bandlik vazirligi;

• Qurilish va uy-joy kommunal xoʻjaligi vazirligi;

• Ekologiya va atrof-muhitni muhofaza qilish vazirligi;

• Madaniyat vazirligi;

• Oila va xotin-qizlar qoʻmitasi;

• Yoshlar ishlari agentligi.

Keltirilishicha, hokimlar ushbu tuzilmalarga toʻliq rahbarlik qilib, shtat birliklarini mustaqil belgilaydi, kadrlarni tayinlaydi va ozod etadi, ragʻbat yoki intizom choralarini qoʻllay oladi.