Фото: Reuters

АҚШ президенти Дональд Трамп Эроннинг «сўзсиз таслим бўлишини» талаб қилди.

Унга кўра, айни пайтда Эроннинг ҳаво ҳудуди энди тўлиқ АҚШ назорати остида. АҚШ Эрон олий раҳнамоси Оятуллоҳ Али Хоманаийнинг қаерда жойлашганини аниқ билади, аммо Вашингтон «ҳеч бўлмаганда ҳозирча»уни йўқ қилиш ниятида эмас.

Оқ уй раҳбари Эрон муаммосини ҳал қилиш учун АҚШ армиясидан фойдаланишни истамайди, аммо сабр-тоқати тугаяпти.

«Эронда яхши кузатув ускуналари ва бошқа мудофаа ускуналари ва катта миқдорда эди, аммо бу АҚШ ишланмалари ва қуроллари билан солиштирганда ҳеч нарса эмас. Ҳеч ким буни эски АҚШдан яхшироқ қилмайди» — дейди Трамп.

АБC телеканалининг хабар беришича, АҚШ расмийлари Эрон билан можарода кейинги 24-48 соат ҳал қилувчи аҳамиятга эга деб ҳисоблаб, дипломатик ечим топилмаса, куч ишлатиш мумкинлигига ишора қилмоқда.

«Президент Дональд Трамп ва унинг бош маслаҳатчиларининг сешанба куни Оқ уйдаги вазият хонасида бўлиб ўтган учрашуви чоғида АҚШ расмийлари Эрон муаммосини дипломатик йўл билан ҳал қилиш мумкинми ёки президент ҳарбий ҳаракатларга ўтиши мумкинми ёки йўқлигини аниқлашда кейинги 24-48 соат муҳим аҳамиятга эга бўлишини аниқ айтди», — дейилади хабарда.

Аввалроқ Қўшма Штатлар USS Nimitz бошчилигидаги авиаташувчи зарбалар гуруҳини АҚШ қўшинларини ҳимоя қилиш учун Яқин Шарқдаги Марказий қўмондонлик масъул ҳудудига кўчиришни бошлагани маълум бўлганди.

Эрон Исроил осмонини назорат остига олганини билдирди

Ислом инқилоби қўриқчилари корпуси (ИИҚК)нинг фикрича, Эроннинг янги «Фатҳ» ракеталарини қўллаши Исроилнинг ракеталарга қарши мудофаа тизимлари уларни аниқлай ва тўхтата олмаслигини кўрсатди. Бу Исроил ҳаво ҳудуди Эроннинг тўлиқ назорати остида, деганидир.

«Биз ционистлар армиясининг ҳаво ҳужумидан мудофаа тизими тугашининг бошланишига гувоҳ бўлаяпмиз», — дейилади ИИҚК баёнотида.

Эрон Мудофаа вазирлиги матбуот котиби генерал Реза Талаи-Никнинг айтишича, «Исроил разведка иншооти»га зарба бериш учун илк бор аниқланмайдиган ракеталардан фойдаланилган.

«Бугунги ҳужумда биз кузатув ёки тутиб олиш имкони бўлмаган ракеталардан фойдаландик», — дейди у.

АҚШ Яқин Шарқдаги кучларини шай ҳолатга келтирилди

Яқин Шарқдаги ҳарбий базаларда жойлашган АҚШ қўшинлари юқори шай ҳолатга келтирилди, дея ёзмоқда «New York Times».

Нашрга кўра, Вашингтон расмийлари, агар Қўшма Штатлар қуролли можарога Исроил томонида аралашса, Эрон АҚШ ҳарбий базаларига ракета зарбалари беришидан хавотирда. АҚШнинг Эрондаги ядровий иншоотларни бомбардимон қилиши муқаррар равишда Эрон кучларнинг Қизил денгиздаги АҚШ кемаларига ҳамда Ироқ ва Суриядаги базаларига жавоб ҳужумларига олиб келади. Бундан ташқари, эронликлар Ҳормуз бўғозини тўсиб қўйишлари мумкин.

Шу муносабат билан Яқин Шарқдаги ҳарбий базаларда жойлашган АҚШ қўшинлари шай ҳолатга келтирилди. Айни пайтда минтақада 40 мингдан ортиқ АҚШ ҳарбийлари жойлашган.

18 июнь куни Эрон Исроил томон ракеталарнинг янги тўлқинини учирди. Исроил мудофаа кучлари мамлакатнинг барча аҳолисини бошпана олишга чақирди.

Эксперт: Оқ уй раҳбари ишларнинг ҳақиқий аҳволи бўйича аниқ маълумотга эга эмас

Трампнинг маслаҳатчилари уни Исроил томонида Эрон билан ҳарбий тўқнашувга ундаш мақсадида унга нотўғри маълумот беришмоқда. Бу фикрларни Марказий разведка бошқармасининг собиқ таҳлилчиси Ларри Жонсон айтиб ўтди.

«Трампга Эрон арзимас нарса экани, унинг ракеталари тугаб қолгани ёки деярли тугаётганини, агар улар батамом тугаб қолса, у бутунлай заиф ва ҳимоясиз бўлиб қолиши айтилмоқда», — дея таъкидлади таҳлилчи.

Жонсоннинг сўзларига кўра, Оқ уй раҳбари ишларнинг ҳақиқий аҳволи бўйича аниқ маълумотларни олмайди. Шу боис, Трамп АҚШ ва Исроилнинг Эрон устидан, аслида мавжуд бўлмаган техник устунлигига ишонади.

Аввалроқ, Исроил расмийлари Теҳрон ядровий дастур бўйича битим тузишдан бош тортса, АҚШ президенти Эронга зарба беришга қарор қилган, деб ҳисоблаши хабар қилинганди. Мутахассисларнинг фикрича, АҚШнинг Исроилнинг Эронга зарбаларидаги эҳтимолий иштироки шунчаки «рамзий қадам» эмас, балки муҳим операция бўлади.

Бундан олдин Трампнинг ўзи Теҳрон ядровий битимни имзолаши кераклигини, акс ҳолда «нимадир содир бўлишини» айтган эди. Бироқ у Эрон билан айнан нима юз бериши мумкинлигига аниқлик киритмади.