Тошкентдан Чорвоққа автобус қатнови йўлга қўйилади
Фото: «Тошшаҳартрансхизмат»
Жорий йилнинг 1 июль кунидан бошлаб Тошкент шаҳри (Машинасозлар метроси) – Чорбоғ йўналишида автобус қатнови йўлга қўйилади. Бу ҳақда «Тошшаҳартрансхизмат» АЖ ахборот хизмати хабар берди.
Маълум қилинишича, йўналишга 47 та ўриндиқли, шинам ва кондиционерлар билан жиҳозланган MAN RR3 русумли туристик автобуслар бириктирилади. Йўналишда йўл кира нархи 25 минг сўмни ташкил этади.
Биринчи қатнов Машинасозлар метроси бекатидан ҳар куни соат 6:00 да бошланади. Қатновлар ҳар 1,5 соатда амалга оширилади. Ҳаракат вақти 1 соат 30 дақиқани ташкил этади. Сўнгги қатнов соат 20:30 да Чорбоғ томондан амалга оширилади ва соат 22:00 да Машинасозлар метросида тугатилади.
Йўналишдаги автобуслар ўз ҳаракатини Машинасозлар метросидан бошлаб, Махтумқули кўчаси, Янги Ўзбекистон боғи, Ҳожикент мавзеси, Чиноркент маскани орқали Хумсон қўрғонигача давом эттиради.
Йўловчилар нақд пул ва банк карталари орқали тўловни амалга ошириш имкониятига эга.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Имтиёзли шартларда пенсияга чиқиш ҳуқуқини берувчи рўйхатни тузиш тартиби белгиланди
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Ҳар бир ҳудудда “Касаба уюшмалари боғлари” ташкил этилади
- Ламин Ямал «Барселона»ни тарк этиши мумкин
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг