Тошкентдаги мактаблардан бирида ёнғин чиқди
Видеодан кадр
Тошкент шаҳри Мирзо Улуғбек туманида жойлашган мактаблардан бирида ёнғин содир бўлди. Фавқулодда вазиятлар вазирлиги ҳодиса бўйича маълумот берди.
Қайд этилишича, бугун, 13 октябрь куни соат 17:23 да Тошкент шаҳар ФВБга «112» тизими орқали Мирзо Улуғбек тумани «Шукур Бурхонов» МФЙ «Дониёр» кўчасида жойлашган 208-мактаб ҳудудидаги таъмирланаётган бўш бинонинг том қисмида ёнғин содир бўлаётгани тўғрисида хабар келиб тушган.
Хабарга асосан, ёнғин-қутқарув экипажлари айтилган манзилга соат 17:28 да етиб бориб, соат 17:39 да алангани қуршаб олган ҳамда 17:42 да бартараф тўлиқ этган.
Таъкидланишича, ёнғин оқибатида ҳеч ким жабрланмаган. Воқеа содир бўлган вақтда бинода мактаб ходимлари ва ўқувчилар бўлмаган.
Ҳодисанинг сабаби таъмирлаш ишлари вақтида ёнғин хавфсизлик қоидаларига риоя этмаганликдан дея тахмин қилинмоқда. Ҳозирги вақтда ёнғин туфайли кўрилган зарар миқдори аниқланмоқда.
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон миллий терма жамоасининг халқаро мусобақа учун қайдномаси эълон қилинди
- “Доҳа — Қатарнинг юраги, тунги ритмда уриб турган шаҳар”
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг