Тошкентда ҳам пиёдалар йўлагидан ўтаётган фуқарони машина уриб юборди
Иллюстратив фото
Тошкент шаҳри Юнусобод туманида «Cobalt» пиёдалар йўлагидан ўтаётган пиёдани уриб юборди. Пойтахт Йўл ҳаракати хавфсизлиги бошқармаси ҳодиса юзасидан маълумот берди.
Билдирилишича, бугун, 27 сентябрь куни соат 18:30 ларда Юнусобод тумани Амир Темур кўчасида 37 ёшли Ф.Р. «Cobalt» русумли автомашинани бошқариб кетаётиб, тартибга солинмаган пиёдалар йўлагидан ўтаётган пиёдани уриб юборган.
ЙТҲ оқибатида жабрланган пиёдага шифокорлар томонидан биринчи тез тиббий ёрдам кўрсатилган.
Қайд этилишича, ҳозирда мазкур ҳолат юзасидан шаҳар ИИББ Йўл ҳаракати хавфсизлиги бошқармаси томонидан терговга қадар суриштирув ишлари олиб борилмоқда.
«Барча йўл ҳаракати қатнашчиларидан қоидаларга риоя қилишларини сўраймиз», дейилади ЙҲХБ хабарида.
Эслатиб ўтамиз, аввалроқ Сурхондарё вилояти Шўрчи туманида «Дамас» русумли автомашина пиёдалар йўлагидан ўтаётган 3 кишини уриб кетгани ҳақида хабар берилган эди.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг