Тошкент вилоятида божхоначилар томонидан сигаретларнинг ноқонуний кириб келиши тўхтатилди

10:55 07 Декабрь 2021 Жамият
320 0

Божхона қўмитаси матбуот хизмати Контрабандага қарши курашиш ва божхона аудити бош бошқармаси
ходимлари томонидан Тошкент вилоятида ўтказилган тезкор тадбир якунлари ҳақида маълум қилди.

«Chevrolet Captiva» русумли автомашинадаги юк ҳақида божхоначиларга хабар берилди ва улар унинг ҳаракатини тезкор назорат қилиб боришди. Тошкентга кираверишдан унча узоқ бўлмаган жойда автомашина тўхтатилди, сўнг божхоначилар салон ва юкхонани кўздан кечирди.

Кўздан кечириш натижасида автомашинадан акциз маркаси бўлмаган 15 950 қути сигареталар аниқланган. Олинган ашёвий далилнинг қиймати 160 миллион сўмга баҳоланмоқда.

Аниқланган ҳолат ҳужжатлаштирилиб, текширувлар давом эттирилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?