Малайзиянинг Куала-Лумпур шаҳрида ўтказилаётган "QS Higher Education Summit Asia Pacific — 2023" саммити доирасида Осиёнинг энг яхши олийгоҳлар рейтинги аниқланди. Эътиборли жиҳати, Тошкент тиббиёт академияси (ТТА) — Ўзбекистондаги тиббиёт олий ўқув юртлари ичида биринчилардан бўлиб "QS Star Very Good 4" юлдузли олий таълим муассасасига айланди.

ТТА ушбу совринга таълим беришда ўзига хос янги стандартларни асос солгани учун лойиқ кўрилди.

ТТАнинг академик мукаммалликка, илғор тадқиқотларга ва талабаларга йўналтирилган ёндашувларга бўлган тинимсиз садоқати уни глобал таълимнинг юқори ўринларига олиб чиқди. Академиянинг юқори даражадаги таълимни таъминлаш ва ўсиш учун қулай муҳитни яратишга қаратилган саъй-ҳаракатлари "QS Stars" рейтингида алоҳида эътироф этилди.

ТТАнинг "QS Stars" халқаро рейтингида 4 юлдузга эга бўлиши нафақат академия, балки бутун республикамиз тиббиёт олий ўқув юртлари учун катта ютуқдир.

Ўзбекистонда тиббиёт олий таълим тизимида ушбу нуфузли унвонга биринчи бўлиб сазовор бўлган ТТА ўз мавқеини таълим соҳасида ҳақиқий етакчи сифатида мустаҳкамлади ва бу академиянинг халқаро стандартларга содиқлиги ва глобал рақобатбардошликка интилишидан далолат беради.

"QS Stars" рейтинги кенг қамровли ва жаҳон миқёсида эътироф этилган баҳолаш тизими бўлиб, у турли соҳалардаги университетларни уларнинг фаолияти ҳақида умумий тасаввурни тақдим этиш учун баҳолайди. У университетларни бир неча муҳим йўналишлар, жумладан, ўқитиш сифати, ишга жойлашиш, тадқиқот, халқаро фаолият, қулайликлар, инновациялар, инклюзивлик ва бошқалар асосида баҳолайди.

Рейтинг тизими университетнинг кучли томонларини яхлит кўриш имконини беради ва шу билан бирга, бўлажак талабалар, тадқиқотчилар ва академик ҳамкорларга узоқ муддатли ва ишончли ҳамкор сифатида тан олинишига замин яратиб, стратегик ҳамкор сифатида қаралишига асос бўлади.

ТТА "QS Stars" рейтинги томонидан баҳоланган академия барча жиҳатлар бўйича, энг илғор тадқиқот ташаббусларидан тортиб инновацион ўқитиш методологиялари орқали дунё олий таълим муассасаларининг Топ-1000 талик рўйхатига тобора яқинлашиб бораётганидан далолат беради.