Тошкент шаҳрида Ўзбекистон Республикасининг Шанхай ҳамкорлик ташкилотига раислиги доирасида II Иқтисодий форум бўлиб ўтади

17:03 10 Август 2022 Сиёсат
630 0

Фото: Иллюстратив фото

Жорий йилнинг 16-17 август кунлари Тошкент шаҳрида Ўзбекистон Республикасининг Шанхай ҳамкорлик ташкилотига раислиги доирасида II Иқтисодий форум бўлиб ўтади.

2021 йил июнь ойида Душанбе шаҳрида (Тожикистон) биринчи марта ўтказилган форум ташкилот доирасидаги шериклик муносабатларини ривожлантириш ва янада мустаҳкамлашга хизмат қилувчи самарали мулоқот майдони сифатида ўзини намоён қилди.

Тадбирдан кўзланган асосий мақсад томонлар эътиборини ўзаро манфаатли савдо-иқтисодий, сармоявий ва маданий-гуманитар ҳамкорликни ривожлантириш муаммолари ва истиқболларига қаратиш, ШҲТ маконида алоқаларни мустаҳкамлаш бўйича самарали чора-тадбирлар ишлаб чиқишдан иборат.

Ялпи мажлис, панель сессиялари, икки томонлама учрашувлар, б2б алоқалар – Форумнинг бой кун тартиби рақамли иқтисодиёт, яшил технологиялар, ҳудудлар ўртасидаги ҳамкорлик, сармоявий кооперацияни ривожлантириш, саноат кооперацияси ва шерикликнинг бошқа устувор йўналишлари салоҳиятини очишга қаратилган.

ШҲТ Иқтисодий форуми нафақат ҳукуматлараро мулоқотни йўлга қўйиш, балки ишбилармон доиралар ва корхоналар вакилларининг ўзаро ҳамкорлиги, шунингдек, ШҲТ маконидаги ҳудудларга инвесторларни жалб қилиш учун самарали майдонга айланиши кўзда тутилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер