Олий Мажлиси Сенатининг кенгаши президент тақдимномасига мувофиқ Ўзбекистон Марказий банки бошқаруви раиси лавозимига Тимур Ишметовни тайинлаш тўғрисида қарор қабул қилинди.

Тимур Аминжонович Ишметов (1979 йилда туғилган) бакалавриатни Тошкент молия институтининг молия-кредит факультетида (2000), магистратурани эса Бирмингем университетининг Интернатионал Моней анд Банкинг йўналишида тамомлаган (2005). Шунингдек, Ишметов Тошкент давлат юридик университетининг ҳуқуқшунослик факультетини тамомлаган (2007).

Ишметов меҳнат фаолиятини 2000 йилда Марказий банкда иқтисодчи сифатида бошлаган, у ерда турли лавозимларда, жумладан, Монетар операциялар департаменти, Халқаро заҳираларни бошқариш департаменти, Ички валюта бозори операциялари департаменти ҳамда валютани тартибга солиш ва назорат департаменти бошлиғи лавозимларида ишлаган.

У 2017−2019 йилларда Марказий банк раисининг биринчи ўринбосари лавозимида ишлаган. 2019 йил май ойидан 2020 йил февралида вазир этиб тайинлангунича Молия вазирининг биринчи ўринбосари лавозимида ишлаб келган.