Телефонингизни кечаси қувватга қўйиб ухламанг — Тошкент ФВБ огоҳлантириш билан чиқди
Тошкент шаҳар Фавқулодда вазиятлар бошқармаси телефон ёки қувватлагич ҳаддан ташқари қизиб кетиши мумкин бўлган ҳолатлардан огоҳликка чақирди.
Унда айтилишича, электр токи узилишлари ёки кучланишнинг ўзгариши портлаш ёки ёнғинга сабаб бўлиши мумкин. Шунингдек, паст сифатли ёки бузилган қувватлагич ишлатилса, симлар эриб кетиши ёки қисқа туташуви ёки электр токи уриши эҳтимоли мавжуд.
Бундан ташқари, ҳаддан ташқари қувватланиш натижасида батарея шишиб кетиши ва ишламай қолиши, айрим ҳолатларда батарея портлаши ёки ўзидан заҳарли газлар чиқариши мумкин.
«Телефон тўлиқ қувватлангандан кейин ҳам қувватлагич тармоқдан узилмаса, электр энергияси беҳуда сарфланади», — дейилади хабарда.
Тошкент шаҳар Фавқулодда вазиятлар бошқармаси шу каби нохуш ҳолатларнинг олдини олиш учун телефонни кечаси қувватга қўйиб ухламаслик, телефон ортиқча қизиб кетган бўлса, қувватдан узиб, совишини кутиш ҳамда зарур бўлмаса, доимий равишда 100 фоиз қувватда сақламасликни тавсия қилган.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг