Танзания ҳукумати аҳолини COVID-19га қарши эмламасликка қарор қилди
Танзания тиббиёт идоралари коронавирусга қарши вакцинани сотиб олиш, мамлакатга олиб кириш ва аҳолини эмлаш ниятида эмас. Бу ҳақда “Al Аrabiya” телеканали мамлакат соғлиқни сақлаш вазири Дороти Гважима сўзларига таяниб хабар бермоқда.
«Танзания Соғлиқни сақлаш вазирлиги COVID-19га қарши эмлашни амалга оширишни режалаштирмаяпти», деди вазир матбуот анжуманида.
Гважиманинг сўзларига кўра, танзанияликлар ушбу инфекция билан боғлиқ вазиятда тўлиқ хавфсиздирлар. У фуқароларни асосий гигиена меъёрларига риоя қилиш, шунингдек, зарурат туғилганда ингаляция қабул қилишга чақирди.
Шунингдек, кимёвий моддалар бўйича давлат хизмати раҳбари Фиделиче Мафумико вирусни доривор ўтлар билан даволашни таклиф қилди.
Маълумот учун, январь ойида Танзания президенти Жон Магуфули мамлакатда коронавирусга қарши вакцинадан фойдаланишга ҳожат йўқлигини маълум қилган эди.
Тавсия этамиз
Кўп ўқилганлар
- Шавкат Мирзиёев аҳоли бандлигини таъминлаш ва камбағалликни қисқартиришга оид муҳим қарорни имзолади
- Ўзбекистонда 2025 йил 1 апрелдан электр энергияси ва газ нархлари оширилади
- “Энг яхши мақолалар” танлови ғолиблари аниқланди
- Ҳарбий хизматни ўташ билан боғлиқ тартиблар янгиланади
- Вояга етмаганлар ўртасида ҳуқуқбузарликлар профилактикаси тизими такомиллаштирилмоқда
- Наманганда 3 та йирик институт битта университетга бирлаштирилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг