Табиат ва цивилизация уйғунлашган шаҳар – Сюрихдан фоторепортаж

Фото: Хасан Пайдоев / «Халқ сўзи»

Айни вақтда Швейцарияда бўлиб турган «Халқ сўзи» ва «Народное слово» газеталари таҳририяти фотомухбири Сюрих шаҳрининг гўзал манзараларини камера объективига муҳрлади.

Мазкур шаҳар Швейцариянинг энг йирик ва энг ривожланган шаҳарларидан бири бўлиб, у замонавий ҳаёт ва табиий гўзаллик уйғунлашган ноёб маскан ҳисобланади. Шаҳар Алп тоғлари этагида, мусаффо Сюрих кўли бўйида жойлашган.

Сюрих шаҳри архитектураси ҳам эътиборга лойиқ. Тарихий шаҳарлар тор кўчалари, қадимий бинолари ва миноралари билан ўтмишни эслатади, замонавий марказлар эса бугунги Сюрихнинг глобал молиявий ва маданий марказ эканини намоён қилади.

Шаҳар сайёҳларни нафақат гўзаллиги, балки тартиб-интизоми, хавфсизлиги ва юқори хизмат сифати билан ҳам ўзига жалб қилади. Музейлар, санъат галереялари, қаҳвахоналар ва дўконлар Сюрихни маданият ва саёҳат ишқибозлари учун жозибадор масканга айлантирган.