Экология ва атроф-муҳитни муҳофаза қилиш давлат қўмитаси ва Туризмни ривожлантириш қўмитаси томонидан "Сувтушар" шаршарасида зиёрат туризми ва экологик туризмни ташкил қилиш учун зарур инфратузилмани яратиш бўйича тайёрланган лойиҳа ва смета ҳужжатлари асосида объектни қурилиш ишлари бошланмоқда.

Маълумки, туризм жаҳоннинг кўплаб мамлакатлари иқтисодиёти таркибида тез ривожланаётган ва салмоқли ўринни эгаллайдиган тармоқдир. 

Экологик туризм табиат билан кишиларнинг узвий боғлиқлиги ва бевосита мулоқотини ривожлантиришга, табиатда ҳузур-ҳаловат, мадад қувват, билим, умуман экологик иқтисодий барқарорлик ва мувозанатни сақлаган ҳолда фаол дам олишда алоҳида ўрин касб этади. 

Ана шулардан келиб чиқиб, амалга оширилаётган лойиҳа "Ҳисор” давлат қўриқхонасининг қўриқланма ҳудудида барпо этилаётган "Сувтушар" шаршарасини туристларнинг энг севимли экотуристик масканига айланишига хизмат қилади.