Иллюстратив фото

Сунъий интеллект бўйича 475 нафар мутахассис ўртасида ўтказилган сўров натижаларига кўра, уларнинг аксарияти (76 фоизи) йирик тил моделларини масштаблаш инсон интеллекти билан таққосланадиган тизимларни яратишга олиб келмайди, деб ҳисоблайди. Бу ҳозирги методларнинг умумий сунъий интеллект деб аталадиган тизим учун асос бўлишга қодирлигига шубҳа кучайиб бораётганидан далолат беради.

Экспертларнинг қайд этишича, замонавий моделлар улкан ҳажмдаги маълумотларга ва янада кучлироқ ҳисоблаш техникасига муҳтож, шу билан бирга, бу борада фундаментал архитектура чекловларига дуч келинмоқда. Муаммолар сирасига сунъий интеллектнинг абстракт фикрлаши ва ҳақиқий концепцияни шакллантиришга лаёқатли эмаслиги, шунингдек, матнларни юзаки таҳлил қилишга қарамлиги киради.

Масштаблаш самарадорлигининг пасайиши сезиларли бўлди: сунъий интеллект таълимига сармояларнинг ортиши сифат жиҳатидан камроқ ўсиш билан бирга кечмоқда. Бундан ташқари, бу экология нуқтаи назаридан хавотир уйғотади — энергия харажатлари ошиши ва углерод ташланмалари кўпайиши давом этмоқда.

Буларнинг барчаси тадқиқотчиларни сунъий интеллектни ўрганишга янги ёндашувларни ишлаб чиқиш зарурлиги ҳақидаги фикрга ундайди, шундагина ҳозирги чекланишларни енгиб ўтишга қодир бўлиши мумкин.