Сирдарёда ёнғин бўлаётган уйдан 3 нафар бола қутқариб қолинди
Фото: Сирдарё вилояти ФВБ
Сирдарё вилоятида Ширин шаҳридаги хонадонлардан бирида ёнғин ичида қолиб кетган 3 нафар вояга етмаган бола қутқариб қолинди. Бу ҳақда вилоят ФВБ ахборот хизмати хабар берди.
Қайд этилишича, бугун, 17 февраль куни соат 14:30 да Ширин шаҳрининг Амир Темур маҳалласидаги хонадонлардан бирида ёнғин содир бўлган. Ҳодиса жойига зудлик билан ёнғин-қутқарувчилари етиб бориб, алангани соат 14:37 да тўлиқ ўчирган.
Ёнғинни бартараф этиш вақтида хонадон ичида уч нафар вояга етмаган – 2019 йилда туғилган Ж.Ж., 2020 йилда туғилган Ж.М. ҳамда 2022 йилда туғилган Ж.И. қутқариб олинган. Уларга шу жойнинг ўзида биринчи тиббий ва психологик ёрдамлар кўрсатилган.
Қўшимча қилинишича, ёнғин оқибатида тан жароҳати олган ёки ҳалок бўлганлар йўқ. Ҳозирда ёнғиннинг сабаби ва моддий зарар миқдори аниқланмоқда.
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- 16 январь куни баъзи жойларда қор ёғади
- “Катта сакраш” ёхуд Ўзбекистон сунъий интеллект ва рақамли технологиялар ривожида янги босқичга қадам қўйди
- Кўрфаз араб давлатлари бозорига божсиз кириш имкони яратилади
- Рақамли Ўзбeкистон учун кибeр-ҳуқуқшунослар: Прeзидeнт Фармони юридик таълимнинг янги даврини очади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг