Энди йўловчилар «Silk Avia» минтақавий авиакомпаниясининг рейсларига чипталарни «Uzbekistan Airports» ягона алоқа марказига қўнғироқ қилиб харид қилишлари мумкин.

Авиачипта сотиб олиш учун йўловчи +99855 501 22 12 телефон рақами орқали Алоқа марказига мурожаат қилиши ва операторга йўналиш, жўнаш санаси, тўлиқ исм-шарифини, алоқа телефон рақами ва электрон почта манзилини айтиши керак. Чипта брони ва Click тўлов тизими орқали тўлаш учун ҳавола электрон почтага юборилади. Агар Click мобил иловаси ўрнатилмаган бўлса, тўлаш учун карта маълумотларини киритиш керак бўлади. Аэропортда йўловчи тўғридан-тўғри рўйхатдан ўтиш жойидаги агентга мурожаат қилиши ва бортга чиқиш талонини олиш учун паспортини кўрсатиши керак.

Сиз UzCard ёки Humo банк карталари орқали хизматлар учун шу тарзда миллий валютада тўлашингиз мумкин. Шунингдек, йўловчилар Silk Avia чипталарини авиакомпаниянинг расмий www.silk-avia.com сайти ёки барча халқаро аэропортларнинг кассаларида нақд ва Humo, UzCard, шунингдек Visa, Mastercard ва бошқалар орқали харид қилиши мумкин.

Эслатиб ўтамиз, аввалроқ Тошкент аэропортида ANOR ва CIP залларида қолиш, шунингдек, Fast Track хизматларни ягона алоқа маркази орқали харид қилиш йўлга қўйилган эди.