Қонун ҳужжатларига мувофиқ қуйидаги тоифадаги шахсларга бепул курорт ваучерлари берилади:

— уруш ногиронларига ва қатнашчиларига тенглаштирилган шахслар;

— ҳалок бўлган ҳарбий хизматчиларнинг бева хотинлари (бева эрлари);

—республика аҳамиятига молик шахсий пенсия олувчи шахслар;

— Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек Чернобиль ҳалокати сабабли ногирон бўлиб қолган шахслар;

— ядро полигонлари ва бошқа радиация-ядро объектларида ҳарбий хизматни ўтаган шахслар;

— I ва II-гуруҳ ногиронлари, кўзи ожиз I-гуруҳ ногиронини кузатиб борувчи шахс;

— ёлғиз кексалар;

— ёшга доир пенсионерлар.

Йўлланма олиш учун қуйидагиларни тақдим этишингиз керак: ариза, паспортингиз нусхаси, юқоридаги фуқароларга имтиёздан фойдаланиш ҳуқуқини берувчи ҳужжатлар.

а) ҳар йили (навбат асосида):

— уруш ногиронларига тенглаштирилган шахсларга;

— республика аҳамиятига молик шахсий пенсия олувчи шахсларга;

— Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек Чернобиль ҳалокати сабабли ногирон бўлиб қолган шахсларга;

— ядро полигонлари ва бошқа радиация-ядро объектларида ҳарбий хизматни ўтаган шахсларга;

— ёлғиз кексаларга;

б) икки йилда бир маротаба (навбат асосида):

— уруш қатнашчиларига тенглаштирилган шахсларга;ҳалок бўлган ҳарбий хизматчиларнинг бева хотинларига (бева эрларига);

— I ва II-гуруҳ ногиронлари, кўзи ожиз I-гуруҳ ногиронини кузатиб борувчи шахсга;

в) санаторийларда бўш ўрин мавжуд бўлган тақдирда, навбат асосида, аммо 3 йилда 1 маротаба — ёшга доир пенсионерларга.