Кадр: Youtube / Kun.uz

Самарқанд вилоятининг Қўшработ туманидаги хонадонда газ портлаши оқибатида бир оиланинг 4 аъзоси вафот этди. Бош прокуратура матбуот котиби Ҳаёт Шамсутдинов мазкур ҳолат юзасидан «Халқ сўзи»га маълумот берди.

Билдирилишича, ҳодиса бугун, 22 октябрь куни соат 05:52 лар атрофида туман марказидаги Мустақиллик маҳалласида жойлашган хонадонлардан бирида содир бўлган. Дастлабки тахминларга кўра, портлашга хонадонда газ тўпланиб қолиши ва хонадон эгаси буни билмаган ҳолда чироқни ёқиши сабаб бўлган.

Портлаш оқибатида Р.С. (52 ёш), М.С. (55 ёш) ҳамда уларнинг фарзандлари Ф.Х. (22 ёш) ва Д.Х. (17 ёш) воқеа жойида табиий газдан захарланиш ва уйда келиб чиққан ёнғин оқибатида куйиш тан жароҳатлари олиб вафот этган..

Ҳозирги кунда туман прокуратураси томонидан вафот этган шахсларнинг ўлими сабабларини аниқлаш мақсадида суд тиббий экспертизаси тайинланган. Шунингдек, ҳолат юзасидан терговга қадар текширув ҳаракатлари олиб борилмоқда.