Фото: Самарқанд вилояти Экология бошқармаси

Самарқанд вилояти Каттақўрғон туманида ғалладан бўшаган ердаги сомон пояларини ёқиб юборган фермер хўжалиги жаримага тортилган. Бу ҳақда вилоят Экология бошқармаси хабар хабар берди.

Маълум қилинишича, Каттақўрғон тумани Яккабоғ МФЙ ҳудудида «Х.Ш.» фермер хўжалигининг 8.8 гектар ерида ғалладан бўшаган сомонпоя ёқиб юборилган. Оқибатда дала майдони атрофида ўсиб турган 240 туп тут дарахтлари шикастланган.

Ҳолат Каттақўрғон туман Экология атроф-муҳитни муҳофаза қилиш ва иқлим ўзгариш бўлими давлат инспекторлари ва туман ФВБ ходимлари иштирокида аниқланиб, фермер хўжалиги томонидан ўсимлик дунёсига 244,8 миллион сўм зарар етказилгани ҳисобланган.

Қайд этилишича, мазкур ҳолатда ўсимлик дунёсига етказилган зарар миқдорида жиноят аломатлари борлиги сабабли айбдор шахсларга нисбатан тегишли ҳужжатлар расмийлаштирилиб, ҳуқуқни муҳофаза қилувчи органларга тақдим этилган.