Самарқандда икки киши 10 метр чуқурликдаги чангалзорга тушиб кетди (+видео)
Самарқандда Фавқулодда вазиятлар бошқармаси қутқарувчилари 10 метрлик жарлик ичидаги чангалзорга тушиб кетган 2 нафар фуқаронинг ҳаётини сақлаб қолди. Бу ҳақида ФВВ ахборот хизмати маълумот берди.
Унда айтилишича, 4 май, якшанба куни Самарқанд шаҳар «Ипак йўли» МФЙ ҳудудида 10 метрлик жарлик ичидаги чангалзорга 2 нафар фуқаро тушиб кетган. Мазкур ҳолат юзасидан амалий ёрдам зарурлиги тўғрисида вилоят Фавқулодда вазиятлар бошқармасига «112» тизими орқали мурожаат келиб тушган.
Ушбу мурожаатга асосан, айтилган манзилга зудлик билан бошқармаси қутқарувчилари етиб келишган ҳамда уларнинг тезкор ҳаракатлари натижасида жарлик ичидаги чангалзорга тушиб кетган фуқаролар соғ-саломат қутқариб олинган.
Маълумотларга кўра, ушбу фуқаролар ёши улуғ инсонлар бўлиб, дастлаб 1 нафари жарликка тушиб кетган, сўнг шеригини қутқариш мақсадида иккинчи фуқаро ҳам тушиб, жарлик ичидаги чангалзордан қайтиб чиқа олмаган.
Тавсия этамиз
Кўп ўқилганлар
- Ўзбекистонда Касбий таълим агентлиги ташкил этилади
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ҳиндистонда «Монтта» циклони сабабли қарийб 90 минг киши эвакуация қилинди
- Ўзбекистоннинг янги траекторияси: Асосий хорижий трансферлар харитаси
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг