Россияда коронавирусга қарши оммавий эмлаш бошланмоқда
Фото: РИА Новости
13 декабргача Россиянинг барча ҳудудларида коронавирусга қарши оммавий эмлаш бошланади. Бу ҳақда Россия Федерацияси ҳукумати раиси ўринбосари Татьяна Голикова айтиб ўтди.
Таъкидланишича, Бош вазир ўринбосари мамлакат ҳудудлари билан аҳолини коронавирусга қарши оммавий эмлашни бошлашга тайёрлик масалалари муҳокама қилинган. Мулоқотда барча ҳудудлар эмлашга тайёрлигини билдирган.
Аввалроқ, Россиянинг Н.Ф. Гамалея номидаги Миллий эпидемиология ва микробиология илмий-тадқиқот маркази раҳбари Александр Гинцбург аллақачон мамлакатда 150 мингдан ортиқ одам коронавирусга қарши "Спутник V" вакцинаси билан эмланганини маълум қилган эди.
Коронавирус билан боғлиқ вазиятни кузатиш бўйича тезкор штабнинг сўнгги маълумотларига кўра, Россияда ушбу инфекция билан 2 569 126 нафар одам зарарланган. Касаллик асоратлари оқибатида 45280 киши ҳаётдан кўз юмган, 2 033 669 бемор тузалган.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Яна бир бозор аукционга қўйилди
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг