Foto: РИА Новости

13-dekabrgacha Rossiyaning barcha hududlarida koronavirusga qarshi ommaviy emlash boshlanadi. Bu haqda Rossiya Federatsiyasi hukumati raisi oʻrinbosari Tatyana Golikova aytib oʻtdi.

Taʼkidlanishicha, Bosh vazir oʻrinbosari mamlakat hududlari bilan aholini koronavirusga qarshi ommaviy emlashni boshlashga tayyorlik masalalari muhokama qilingan. Muloqotda barcha hududlar emlashga tayyorligini bildirgan. 

Avvalroq, Rossiyaning N.F. Gamaleya nomidagi Milliy epidemiologiya va mikrobiologiya ilmiy-tadqiqot markazi rahbari Aleksandr Ginsburg allaqachon mamlakatda 150 mingdan ortiq odam koronavirusga qarshi “Sputnik V” vaksinasi bilan emlanganini maʼlum qilgan edi.

Koronavirus bilan bogʻliq vaziyatni kuzatish boʻyicha tezkor shtabning soʻnggi maʼlumotlariga koʻra, Rossiyada ushbu infeksiya bilan 2 569 126 nafar odam zararlangan. Kasallik asoratlari oqibatida 45280 kishi hayotdan koʻz yumgan, 2 033 669 bemor tuzalgan.

Oldinroq Buyuk Britaniya oʻz aholisini koronavirusga qarshi ommaviy emlashga kirishganini xabar qilgan edik.