Foto: Yunus Boʻriyev/“Xalq soʻzi”

Ayni kunlarda Namangan viloyatida 64-Xalqaro gullar festivali boʻlib oʻtmoqda. “Xalq soʻzi” va “Narodnoye slovo” gazetalari ijodiy jamoasi vodiy viloyatlariga qilgan xizmat safari chogʻida gullar shahrida oʻtkazilayotgan mazkur festivalda boʻldi.

​

​

​

​

​

Joriy yilning 25-may kunidan 29-iyun kuniga qadar davom etishi rejalashtirilgan ushbu Xalqaro festivalda Namangan shahridagi bogʻ va xiyobonlar 100 milliondan ortiq gullar bilan bezatilib, mehmonlarga mutaxassislar ishtirokida mahorat saboqlari berilmoqda.

​

​

​

​

​

​

​

Har yili nafaqat yurtimiz, balki xorijdan ham minglab sayyohlarni jalb etadigan mazkur festivalga tayyorgarlik doirasida koʻcha-xiyobonlarga 45 million, Bobur, Afsona va Yangi Oʻzbekiston bogʻlariga 65 million tup gul ekilgan.

​

​

​

​

​

​

​

Zahiriddin Muhammad Bobur nomidagi madaniyat va istirohat bogʻida festival mehmonlariga xorijiy va mahalliy ishtirokchilar tomonidan maxsus maydonlarda tabiiy gullardan yaratilgan turli kompozitsiyalar, dizayn va dekoratsiyalar namoyish etilmoqda. Har bir gul kompozitsiyasi nafaqat goʻzallik va estetik zavq bagʻishlaydi, balki hududning betakrorlik va madaniy yuzini namoyon etuvchi ramziy maʼno ham kasb etadi.

​

​

​

Shuningdek, festival doirasida milliy estrada yulduzlari ishtirokida konsertlar, modalar haftaligi, sport musobaqalari, sirk tomoshalari, hunarmandchilik koʻrgazmalari hamda turfa taomlar taqdimoti boʻlib oʻtishi ham rejalashtirilgan.

​

​

​

Yunus BOʻRIYEV, Otabek SAIDAHMADOV
“Xalq soʻzi”