Қирғизистонда Ўзбекистоннинг кўчма кўргазмаси очилди

11:36 14 Ноябрь 2021 Маданият
1586 0

Фото: Маданий мерос агентлиги

Қирғизистон Республикаси Ўш вилояти «Сулаймон тоғ» тарихий-археология музей-мажмуасида Ўзбекистоннинг «Ичан-Қалъа» давлат музей-қўриқхонасининг кўчма кўргазмаси очилди.

«Сулаймон тоғ» тарихий-археология музей-мажмуасида хивалик музей мутахассислари томонидан ташкил этилган кўчма кўргазманинг тантанали очилиш маросимида Ўзбекистонлик соҳа вакиллари, мутахассислар, маҳаллий ва хорижлик сайёҳлар иштирок этишди.

Ушбу тадбир маданий-маърифий, туризм соҳасидаги ҳамкорлик ўзбек ва қирғиз халқлари қардошлигини, мамлакатлар ўртасидаги ҳар томонлама ҳамкорликни янада мустаҳкамлашга хизмат қилади.

Кўргазмага қўйилган нодир экспонатлар, узоқ тарихдан маълумот берувчи турли осори-атиқалар, шунингдек, суратлар кўргазмани томоша қилаётганларга чексиз ҳайрат ҳамда катта таассуротлар бағишламоқда.

Кўргазма намойиши йил охиригача давом этади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?