Qirgʻizistonda Oʻzbekistonning koʻchma koʻrgazmasi ochildi

11:36 14 Noyabr 2021 Madaniyat
1596 0

Qirgʻiziston Respublikasi Oʻsh viloyati “Sulaymon togʻ” tarixiy-arxeologiya muzey-majmuasida Oʻzbekistonning “Ichan-Qalʼa” davlat muzey-qoʻriqxonasining koʻchma koʻrgazmasi ochildi.

“Sulaymon togʻ” tarixiy-arxeologiya muzey-majmuasida xivalik muzey mutaxassislari tomonidan tashkil etilgan koʻchma koʻrgazmaning tantanali ochilish marosimida Oʻzbekistonlik soha vakillari, mutaxassislar, mahalliy va xorijlik sayyohlar ishtirok etishdi.

Ushbu tadbir madaniy-maʼrifiy, turizm sohasidagi hamkorlik oʻzbek va qirgʻiz xalqlari qardoshligini, mamlakatlar oʻrtasidagi har tomonlama hamkorlikni yanada mustahkamlashga xizmat qiladi.

Koʻrgazmaga qoʻyilgan nodir eksponatlar, uzoq tarixdan maʼlumot beruvchi turli osori-atiqalar, shuningdek, suratlar koʻrgazmani tomosha qilayotganlarga cheksiz hayrat hamda katta taassurotlar bagʻishlamoqda.

Koʻrgazma namoyishi yil oxirigacha davom etadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?