Қашқадарёда аёллар кийимида юрган эркак қўлга олинди
Видеодан кадр
Қашқадарё вилоятида қидирувга берилган 26 ёшли эркак қўлга тушмаслик учун аёллар кийимини кийиб юрган вақтида қўлга олинди. Бу ҳақда вилоят Ички ишлар бошқармаси хабар берди.
Маълум қилинишича, Қарши шаҳрида яшовчи 26 ёшли Р.Ж.га нисбатан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан қидирув эълон қилинган.
У кўчада ҳаракатланиш вақтида ҳуқуқ-тартибот идораларидан, шунингдек, ўз танишларидан ҳам яширинишга уринган ҳолда ташқи кўринишини ўзгартириб, аёллар кийимини кийиб юрган.
Бироқ мазкур шахснинг хатти-ҳаракатлари патруль-пост хизмати ходимларида шубҳа уйғотган. Текширув давомида унинг шахсига аниқлик киритилганида у қидирувда экани маълум бўлган.
Ҳозирда у қўлга олинган ва вақтинча сақлаш ҳибсхонасига жойлаштирилган.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- “Барселона” қийин ғалабани қўлга киритди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
- МИБ директорига янги ўринбосар тайинланди
- Тошкент – Самарқанд пуллик йўли қурилиши 2 миллиард доллардан зиёдга баҳоланмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг