Фото: Йўл ҳаракати хавфсизлиги хизмати

Жорий йилнинг 10 сентябрь куни соат 22:30ларда, Наманган вилояти, Поп тумани ҳудудидан ўтувчи А-373 «Тошкент-Ўш» халқаро аҳамиятга эга автомобиль йўлининг 247-248-километрлар оралиғида, "Volvo“ русумли юк автомобили ўзи билан бир йўналишда ҳаракатланиб кетаётган ”Matiz“, ”Cobalt“, ”Isuzu“ юк автомобили, ”Nexia-2», ”Cobalt“, «МАN“ юк автомобили, ”Cobalt“ ва ”Spark" автомобиллари билан тўқнашиб, йўл-транспорт ҳодисаси содир этган.

Тўқнашув натижасида, 3 та "Cobalt“, ”Spark" ҳамда юк автомобилларида ёнғин келиб чиққан ва воқеа жойида 3 нафар фуқаролар вафот этган. Автомобиллар салонида бўлган 7 нафар йўловчилар тан жароҳати олиб, Тошкент вилояти, Ангрен шаҳри ҳамда Наманган вилояти, Поп туманидаги Марказий шифохонасига юборилган.

Ушбу ЙТҲ юзасидан Наманган вилояти Поп туман ИИБ ҳузуридаги ТБ томонидан терговга қадар суриштирув ҳаракатлари олиб борилмоқда.

Содир бўлган йўл-транспорт ҳодисаси бўйича қўшимча маълумотлар бериб борилади.

Барча ҳайдовчилардан йўлларда қоидаларга риоя қилган ҳолда ҳаракатланишларини сўраймиз.