Президент танқидидан сўнг: Наманганда туман ҳокими контейнер уйга кўчиб ўтди
Наманган вилояти Норин тумани ҳокими президент танқидидан кейин маҳаллада ўрнатилган контейнер уйга кўчиб ўтди.
16 сентябрь куни Шавкат Мирзиёев Наманган вилоятидаги Шўрариқ маҳалласига ташриф буюриб, бу ерда оғир шароитларни ўз кўзи билан кўрганди. Давлат раҳбари вилоят ҳокими Шавкат Абдураззоқовга бу борада топшириқ берганди. «Бугун қарор қабул қиласан – туман ҳокими келиб мана шу ерда ётади. Бу ердаги одамлар одам эмасми?» – деганди давлат раҳбари.
Вилоят ҳокимлиги маълум қилишича, мутахассислар маҳаллада инфратузилмани яхшилаш ва муаммоларни ҳал этиш бўйича ишларни бошлаб юборган. Ҳудудий ҳоким бошчилигида барча ишларга раҳбарлик қилиш учун штаб тузилган.
Норин тумани ҳокими эса маҳалла ҳудудига ўрнатилган контейнер уйга кўчиб ўтган.
Расмий баёнотда қайд этилишича, бу қадам ислоҳотларни тезлаштириш, мавжуд муаммоларни жойида тезкор ҳал қилиш ва маҳаллани обод ҳудудга айлантириш имконини беради.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг