Пенсияларнинг ўртача миқдори 1,1 млн сўмга етказилди ва ўтган йилга нисбaтан 16 фоизга ўсган

13:05 24 Февраль 2023 Иқтисодиёт
474 0

Фото: Архив сурат

Ўтган йил давомида:

— пенсия ва нафақаларнинг энг кам миқдорлари 14 фоизга оширилиб минимал истеъмол харажатлари миқдоридан кам бўлмаслиги таъминланди;

— минимал истеъмол харажатлари миқдоридан (500 минг сўмдан) юқори миқдорлардаги пенсия ва нафақалар эса 12 фоизга оширилди;

— ногиронлик пенсия ва нафақаларининг энг кам миқдори эса 440 минг сўмдан 698 минг сўмгача яъни 1,6 бараварга оширилди.

Бундан ташқари тўловларни банк карталари орқали олувчиларга ҳар ойлик пенсия ва нафақа пулининг 1 фоизи миқдорида қўшимча тўлов жорий қилинди.

Шунингдек, 2023 йил 1 январдан бошлаб пенсияни ҳисоб-китоб қилиш учун иш ҳақининг максимал миқдори яъни юқори чегараси пенсияни ҳисоблаш базавий миқдорининг ўн баробаридан ўн икки бараваригача оширилди. Пенсияни ҳисоблашда инобатга олинадиган иш ҳақининг юқори чегараси 3 888 000 сўм этиб белгиланди.

Юқоридагилар натижасида ёшга доир пенсиянинг ўртача миқдори 2023 йил 1 февраль ҳолатига 1,1 млн. сўмни ташкил этиб, ушбу кўрсаткич ўтган йилнинг мос даврига нисбатан 16% ўсган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер