Россия президенти Владимир Путиннинг Украинадаги ҳозирги фронт чизиғи бўйлаб ўт очишни тўхтатиш бўйича таклиф қилган режаси Киев томонидан рад этилди. Бу ҳақда “Newsweek” нашри хабар беради. Россиялик ҳарбий таҳлилчи Павел Лузин Москва қўшинлари “танаффусга муҳтож, аммо улар урушни тўхтатмоқчи эмас” деган эди.

Агар уруш бугун якунланса, украиналиклар халқаро миқёсда тан олинган ҳудудининг чорак қисмини йўқотиши хавфи бор эди, дейди президент Владимир Зеленский.

Жорий йил бошида қилинган мустақил ҳисоб-китобларга кўра, Россия қўшинлари Украина ерларининг 20 фоиздан камроғига эгалик қилиб турибди. Ҳозирда Москва Украинанинг қисман эгаллаб турган тўртта вилояти – Донетск, Луганск, Запорижжия ва Херсонни бўйсиндиришни якунлаш мақсадида кўп қиррали ҳарбий ҳаракатларни олиб бормоқда.

Агарда уруш ҳозир тугаса, Бирлашган Миллатлар Ташкилоти ва Россия маълумотларига кўра, 11 миллионга яқин украиналиклар ишғол қилинган ҳудудда яшашга мажбур бўлади.

Украина парламенти аъзоси ва органнинг ташқи ишлар қўмитаси раиси Олександр Мережко Путиннинг тинчлик ўрнатиш таклифини рад этиб, мамлакатининг АҚШдан жиддий ҳарбий ёрдам ола бошлаганини Россия томонининг энг камида бугунгача қўлга киритилган ҳудудларни сақлаб қолиш учун келишувни истаётганини иддао қилган.