Пахтаободда кореялик шифокорлар иш бошлади

14:41 06 Октябр 2021 Жамият
157 0

Фото: Саминжон Ҳусанов / Халқ сўзи

Андижон вилояти Пахтаобод туманидаги “Юқори” маҳалласида иш бошлаган "RT Medline” шифохонасида юқори сифатли тиббий хизматни йўлга қўйиш учун Жанубий Корея давлатидан тажрибали шифокорлар жалб этилди. Эътиборлиси, улар ушбу шифо масканида фаолият юритиб, ҳудуд аҳолисининг саломатлигини мустаҳкамлашга ўз ҳиссасини қўшадиган бўлдилар.

– Туманимиз республикамизнинг энг чекка ҳудудларидан ҳисобланади, - дейди пахтаободлик меҳнат фахрийси Зайнаб Мамарасулова. – Қўшни Қирғизистон билан шундоққина қўшнимиз. Гоҳида даволаниш учун республикамиз пойтахти тугул вилоят марказига қатнаш ҳам биз учун оғирлик қилади. Маҳалламизда мана шундай замонавий шифохонанинг фойдаланишга топширилиши айни муддао бўлди.

Лойиҳа қиймати 6,2 млрд. сўмни ташкил этувчи ушбу шифохонада илғор тиббий технологиялар асосида диагностика ва даволаш хизматлари кўрсатилади. Бу ерда 30 та иш ўрни яратилган.

Саминжон ҲУСАНОВ, “Халқ сўзи”.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?