Paxtaobodda koreyalik shifokorlar ish boshladi

14:41 06 Oktyabr 2021 Jamiyat
118 0

Foto: Saminjon Husanov / Xalq so'zi

Andijon viloyati Paxtaobod tumanidagi “Yuqori” mahallasida ish boshlagan "RT Medline” shifoxonasida yuqori sifatli tibbiy xizmatni yoʻlga qoʻyish uchun Janubiy Koreya davlatidan tajribali shifokorlar jalb etildi. Eʼtiborlisi, ular ushbu shifo maskanida faoliyat yuritib, hudud aholisining salomatligini mustahkamlashga oʻz hissasini qoʻshadigan boʻldilar.

– Tumanimiz respublikamizning eng chekka hududlaridan hisoblanadi,-deydi paxtaobodlik mehnat faxriysi Zaynab Mamarasulova.    – Qoʻshni Qirgʻiziston bilan shundoqqina qoʻshnimiz. Gohida davolanish uchun respublikamiz poytaxti tugul viloyat markaziga qatnash ham biz uchun ogʻirlik qiladi. Mahallamizda mana shunday zamonaviy shifoxonaning foydalanishga topshirilishi ayni muddao boʻldi.

Loyiha qiymati 6,2 mlrd. soʻmni tashkil etuvchi ushbu shifoxonada ilgʻor tibbiy texnologiyalar asosida diagnostika va davolash xizmatlari koʻrsatiladi. Bu yerda 30 ta ish oʻrni yaratilgan.

Saminjon HUSANOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?