Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Бокс бўйича Ўзбекистон терма жамоаси аъзоси Ситора Турдибекова «Париж-2024» ёзги Олимпиада ўйинларидаги иштирокини давом эттирди.

-57 кг вазн тоифасида рингга чиққан боксчимиз Ситора Турдибекова «Париж-2024» ёзги Олимпия ўйинларида иккинчи бор рингга кўтарилди. Икки карра жаҳон чемпиони, Хитой Тайпейи вакили Ю Тинг Лин билан беллашган ҳамюртимиз 5:0 ҳисобида имкониятни бой берди ва жорий Олимпиададаги иштирокини якунлади.

Гап шундаки, Хитой Тайпейи вакиласи аслида қиз бола эканлиги, шунчаки танасида тестостерон моддаси нормадан кўпроқ эканлиги билдирган. Шунга қарамай, кўплаб халқаро спорт нашрлари Ю Тинг Линнинг ўғил бола эканлигини иддао қилган.

Қайд этиш керакки, Ситора Турдибекова ушбу турнирда муносиб иштирок этди ва ҳақиқий матонат кўрсата олди.

«Халқ сўзи» спортчимизга кейинги турнирларда омад тилайди.

Аввалроқ, Руслан Абдуллаев ўзининг биринчи Олимпиадасида тушунарсиз қарорлар ортидан турнирни тарк этганди.