Ўзбекистонлик 3 нафар шахматчи ФИДE рейтингида ТОП-100ликда бормоқда
Фото: Архив сурат
Халқаро шахмат федерацияси 2023 йилнинг илк ойида ФИДEнинг 100 нафар энг кучли шахматчилари рўйхатини эълон қилди.
Эътиборлиси, ушбу рейтингдан мамлакатимизнинг 3 нафар шахматчиси жой олди.
Маҳоратли шахматчимиз Нодирбек Абдусатторов 2713 очко жамғарган ҳолда 30-қаторда қайд этилган бўлса, Рустам Қосимжонов 2678 очко билан 61-ўринда кўриниш берди. Шунингдек, умидли спортчимиз Жавоҳир Синдоров 2654 очкога эга бўлган ҳолда рўйхатнинг 94-поғонасини банд этиб турибди.
Рейтингнинг энг юқори қисмида нидерландиялик Магнус Карлсен(2859), хитойлик Лижен Дин (2811), россиялик Ян Непомнящий (2793), Франция шарафини ҳимоя қилаётган Алириза Фируджа (2785), АҚШ байроғи остида ўйнаётган Хикару Накамура (2768) каби шахматчилар боришмоқда.
Шунингдек, ФИДE эълон қилган дунёнинг энг кучли ёш шахматчилар рейтингида Нодирбек Абдусатторов 4-ўриндан, Жавоҳир Синдоров 9-ўриндан жой олган бўлса, ёш қизларнинг юзталик рўйхатида истеъдодли шахматчи қизимиз Умида Омонова (2155) 65-ўринда, Афрўза Ҳамдамова (2143) 72-қаторни эгаллашди.
Тавсия этамиз
Кўп ўқилганлар
- “Аналог турмуш тарзи”. Инсонларда сунъий интеллектга қарши кайфият кучаймоқда
- Дунё бўйлаб қон ва кўзёш билан ўтган бир ҳафта — 20 та суратда
- «Бутун эл-юртимизни бирлаштирадиган улуғ бир ғоя бор. У ҳам бўлса, Ватан манфаати, халқимиз манфаатидир»
- «Нигилист пингвин». Руҳан эзилган ва ҳаётдан маъно излаётганлар учун ноодатий мем оммалашмоқда
- Тарих ва замонавийлик уйғунлашган шаҳар — Туркия пойтахтидан фоторепортаж
- Кучли қичишиш ва жисмоний азобдан ташқари, инсонни руҳан ҳам емиради
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг