Фото: Халқ сўзи

Мактабгача таълим вазири бошчилигидаги делегация таълимни ўзгартириш бўйича бўлиб ўтаётган дастлабки Саммит доирасида ЮНEСКО томонидан «14—16 ноябрь кунлари Тошкент шаҳрида бўлиб ўтадиган Кичик болаларга таълим бериш ва уларни тарбиялаш бўйича II Бутунжаҳон конференциясига бағишланган расмий зиёфат ташкил этилди.

Унда ЮНEСКО бош директори ўринбосари Стефани Жанинни, «Lego foundation» жамғармаси директори Анн-Биргитте Албрексен, халқаро ташкилотлар вакиллари, 35 нафардан ортиқ ЮНEСКОга аъзо давлатларнинг таълим вазирлари иштирок этди.

Тадбирда Ўзбекистон Мактабгача таълим вазири Агриппина Шин, шунингдек, бош бошқарма бошлиғи Шаҳноза Мирзиёева иштирокчиларга халқаро конференцияга тайёргарлик кўрилаётгани ҳақида маълумот бериб, барчани Тошкент шаҳрида бўлиб ўтадиган анжуманда бевосита иштирок этишга таклиф қилди.

ЮНEСКОга аъзо давлатлар вакиллари, халқаро ташкилотлар раҳбарлари Ўзбекистонда мактабгача таълим соҳасида амалга оширилаётган ижобий ўзгаришларни юқори баҳолади ва бўлажак конференцияда ўз делегацияларининг иштирок этишига қизиқиш билдирди.