«Ўзбекистон Республикаси телекоммуникация инфратузилмасини янада ривожлантириш чора-тадбирлари тўғрисида»ги қарорга мувофиқ, Ўзбекистонда кўп қаватли уйлар камида 1 Гбит/с ўтказиш қобилиятига эга интернет тармоғига уланади. Бу ҳақда Адлия вазирлиги хабар бермоқда.

Фармонга мувофиқ, 2022-2024 йилларда Ўзбекистон телекоммуникация инфратузилмасини ривожлантиришнинг мақсадли кўрсаткичлари ҳамда халқаро ва республика аҳамиятига молик автомобиль йўлларини мобил алоқа билан таъминлаш жадвали тасдиқланди.

2023 йилгача, шу жумладан:

халқаро маълумотларни узатиш каналининг сиғими 3,5 баробар ортади;

150 минг км оптик толали алоқа линияларини қуриш ҳисобига маълумотларни узатиш тармоғи кенгайтирилади;

барча аҳоли пунктларига оптик толали алоқа линиялари етказилиб, аҳолининг камида 80 фоизини кенг полосали симли интернет тармоғи билан таъминлади.

2021 йил охиригача барча ички ишлар органлари қароргоҳлари, фуқаролар йиғинлари, жазони ижро этиш муассасалари, ички ишлар органлари профилактика инспекторлари хоналари, халқ таълими муассасалари, давлат архивлари ва ташкилотлари кенг полосали интернет тармоғига эга бўлади.

Қайд этилишича, мавжуд чегара ўтказиш пунктлари орқали «Ўзбекистон-Афғонистон-Покистон», «Ўзбекистон-Қирғизистон-Хитой» ва «Ўзбекистон-Туркманистон-Озарбайжон-Туркия» йўналишлари бўйича халқаро магистраль каналлар ташкил этилади. Бундан ташқари, Хитойда янги кириш нуқталарини яратиш ва интернет-трафикни ўзаро алмашиш чоралари кўрилади.

Шунингдек, 2022 йил 1 январдан бошлаб Интернетга кенг полосали уланиш тармоқларини лойиҳалаш ва қуришда қуйидагилар назарда тутилмоқда:

камида 1 Гбит / с тармоқли кенглиги бўлган офис бинолари ва турар-жой бинолари;

ўтказиш қобилияти камида 100 Мбит/с бўлган таълим ташкилотлари, соғлиқни сақлаш муассасалари ва бошқа давлат ташкилотларининг уланиши.