Қозоғистон Республикасининг «Тажен» (Ўзбекистон Республикасининг «Довуд ота») чегара ўтказиш пунктида таъмирлаш ва жиҳозлаш ишлари олиб борилиши муносабати билан 2025 йил 1 февралдан бошлаб 3 ой муддатга шахслар, енгил автомобиллар, автобуслар ҳамда рухсат этилган тўлиқ вазни 3,5 тоннадан ошмайдиган юк автомобиллари ҳаракати вақтинча тўхтатилади. Бу ҳақда Ўзбекистон Республикаси давлат Божхона қўмитаси маълум қилган.

Мазкур давр мобайнида фуқаролар ва транспорт воситалари ҳаракатланиши учун «Яллама», «Зангиота (Навоий чегара божхона пости)», «Оқ олтин» ва «Малик» ўтказиш пунктлари фойдаланиш тавсия этилмоқда. Шунингдек, жисмоний шахслар темир йўл орқали ҳаракатланиш учун «Қорақалпоғистон» темир йўл ўтказиш пунктидан фойдаланишлари мумкин.

Рухсат этилган тўлиқ вазни 3,5 тоннадан ортиқ бўлган юк автомобиллари эса ўз ҳаракатларини «Тажен» (Қозоғистон) – «Довуд ота» (Ўзбекистон) чегара ўтказиш пункти орқали узлуксиз давом эттирадилар. Ушбу ўзгаришлар вақтида чегарадан ўтиш режаларини қайта кўриб чиқиш фуқаролардан сўралмоқда.

Чегара ўтказиш пунктларидаги таъмирлаш ишлари тугаллангач, ушбу йўналишларда ҳаракат тикланиши кутиляпти. «Фуқаролардан янги йўл кўрсатмаларига риоя қилиш ва чегара ўтказиш пунктларида яратилган қулайликлардан фойдаланишлари сўралади», дейилган хабарда.