Ўзбекистон ва Кот-дʼИвуар ўртасида дипломатик муносабатлар ўрнатилди
29 апрель, сешанба куни Нью-Йорк шаҳрида Ўзбекистон ва Кот-дʼИвуар Республикаси ўртасида дипломатик муносабатлар ўрнатиш тўғрисидаги Қўшма коммюнике имзоланди. Бу ҳақида «Дунё» дунё ахборот агентлиги хабар берди.
Билдирилишича, икки мамлакат ҳукуматлари номидан ҳужжатни Ўзбекистоннинг БМТдаги доимий вакили Улуғбек Лапасов ва Кот-дʼИвуарнинг БМТдаги доимий вакили Тиемоко Морико имзолаган.
«Томонлар халқаро ташкилотлар, жумладан, БМТ ва унинг ихтисослашган муассасалари доирасида қўшма ҳамкорликни мустаҳкамлашга тайёр эканликларини билдирдилар», — дейилади хабарда.
Шунингдек, сиёсий, савдо-иқтисодий ва маданий-гуманитар соҳаларда ҳамкорликнинг ўзаро манфаатли йўналишларини топиш учун икки томонлама алоқаларни фаоллаштириш бўйича келишувга ҳам эришилган.
Маълумот учун, Ғарбий Африкада жойлашган Кот-дʼИвуар Республикаси Ўзбекистон билан дипломатик муносабатлар ўрнатган 160 давлатга айланди.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг